Дастури мазкур бо кӯмаки мардуми Амрико эҷод шудааст, ки он аз тариқи Оҷонсии ИМА оид ба рушди байналмилалӣ (USAID) дар доираи ташаббуси “Озуқаворӣ ба хотири оянда” Лоиҳа оид ба саломатӣ ва ғизо дар Тоҷикистон расонида мешавад.

Ҳифзи саломатии кӯдакон яке аз самтҳои афзалиятноки фаъолияти Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мебошад. Дар Дастури мазкур маълумот оид ба нигоҳубини кӯдаки солим, пешгирии бемориҳои сироятии бо ваксина идорашаванда, баҳодиҳии инкишофи ҷисмонӣ ва рӯҳӣ – асаби кӯдакон, ғизогирии солими кӯдакон нисбат ба синну сол, ҳуҷҷатгузорӣ ва ғайра оварда шудаанд. Патронажи нахустини кӯдаки навзодро дар 3 рӯзи аввали баъди ҷавоб шудан аз таваллудхона ё шӯъбаи таваллудии беморхонаи марказӣ ё минтақавии ноҳия табиб педиатр/табиби тибби оилавӣ ва ҳамшираи тиббӣ/тибби оилавӣ якҷоя иҷро менамоянд. Патронажи нахустини кӯдаки навзод дар 1-ум рӯзи баъди ҷавоб шудан гузаронида мешавад, агар кӯдак дар оила нахустин фарзанд бошад, кӯдаки камвазн, аз мӯҳлат гузашта таваллуд шуда бошад, кӯдак бо нуқсонҳои модарзодӣ бошад, кӯдак баъди амалиёти ҷарроҳӣ бошад, кӯдаконе, ки баъд аз табобат дар шӯъбаи табобати шиддатнок бошанд. Табиб ба навзод шакли 024-ро пур мекунад. Анамнези иҷтимоӣ, генеалогӣ, биологӣ, санҷиши воқеӣ (объективӣ) ва тавсияҳои табиб дар Дастури мазкур оварда шудаанд. Патронажи нахустини кӯдаки навзод барои кормандони муассисаҳои кӯмаки аввалияи тиббию санитарӣ пешниҳод гардида, барои солим ба воя расонидани кӯдакон, пешгирии бемориҳо, пешгирии қадпастӣ ва лоғарӣ мусоидат менамояд. Дар таҳияи Дастури мазкур мутахассисони зерин саҳми худро гузоштаанд: Раҳматуллоев Ш.Р., Раҳматуллоева С.И., Додхоев Ҷ.С., Худойдодова Ф.А. ва Бобохонова М. Дастури мазкур барои кормандони муассисаҳои кӯмаки аввалияи тиббию санитарӣ пешниҳод гардида, барои солим ба воя расонидани кӯдакон, пешгирии бемориҳо, пешгирии қадпастӣ ва лоғарӣ мусоидат