Matadalan Operasional: Introduzaun Vasina Pentavalent Inklui Haemophilus influenzae b (Hib) iha Timor-Leste

Intensaun mak atu fornese informasaun nebe pratika, tekniku no relasiona ho operasionalidade introduzaun vasina foun. Imunizasaun mak intervensaun xave ida atu ajuda salva labarik sira nia moris. Husi tinan 2003 to'o 2010, kobertura imunizasaun kompletu iha Timor-Leste aumenta dala tolu husi 18% to'o 53%. Timor-Leste mos hetan ona susesu iha ezersiu validasaun ba eliminasaun moras tetanus maternu no neonatal. Governu Timor-Leste, liu husi Ministerio da Saúde, iha komitmentu atu asegura katak Timor oan hotu bele asesu no hetan servisu imunizasaun no suplementariu vitamin A ho kualidade diak. Objetivu jeral programa imunizasaun: atu reduz morbidade no mortalidade iha labarik sira menus tinan lima nebe kauza husi moras nebe bele prevene ho vasina iha Timor-Leste. Iha 2008, Ministerio da Saude introduz inisiativa nebe hanaran “SISCa” (Servisu Integradu Saude Comunitaria), aprosimasaun ida ba area susar atu kobre nebe intende atu fornese pakote servisu saude baziku in kada suku minimu dala ida kada fulan. Aprosimasaun ba komunidade ida ne'e lidera ba hasa'e asesibilidade servisu imunizasaun iha tinan hirak ne'e nia laran liu husi habelar fatin susar atu kobre iha komunidade. Planu Tinan Barak Komprensivu (cMYP, 2011-2015) ba imunizasaun no stratejia imunizasaun 2011 bolu atu introduz vasina foun atu hasa'e protesaun labarik Timor oan hotu hasoru moras nebe bele prevene liu husi vasina. Tuir ida ne'e aplikasaun nebe preparadu husi Ministerio da Saúde, ho suporta husi UNICEF, ba GAVI (Global Alliance for Vaccines and Immunization) suporta introduzaun vasina pentavalent. Proposta ne'e GAVI aprova iha 2012. Vasina pentavalent (DPT+HepB+Hib) sei proteje labarik sira husi moras lima - diftheria, pertussis, tetanus, hepatitis B no Haemophilus influenzae tipu b (Hib). Vasina foun ne'e sei fo protesaun ba labarik sira hasoru moras nebe bele prevene liu husi vasina. Haemophilus influenzae tipu b (Hib) mak bakteria ida nebe relasiona ho numeru moras grave ba labarik sira, hanesan infesaun ba membrane kakutak (piogenik meninjitis), pneumonia, bubu no infesaun iha orgaun internal seluk no ruin. Hib maiz ou menus responsabiliza ba metade kazu piogeniku meninjitis iha grupu idade fulan 6 to'o tinan 2 no mos tuir estimasaun 20% kauza pneumonia ba labarik sira iha grupu idade ida ne'e. Vasina Hib inklui ona iha programa imunizasaun rutina iha nasaun liu 150. Hanesan konsekuensia ida, moras Hib invasive pratikamente menus ona iha nasaun dezenvolvidu sira no nia insidensia rapidamente reduz iha parte balun nasaun dezenvolve sira. Pneumonia mak kauza nebe lidera labarik s