Договорно производство – партнерство за поголем успех на вредносниот синџир за преработка на зеленчук

Имплементацијата на оваа активност била спроведена од консултантската фирма МЦГ во периодот од април до септември 2012. Активноста имала за цел да го доближи принципот на долгорочно планирање и посилна вертикална интеграција на сите чинители во вредносниот синџир за преработка на зеленчук. Ова значело посигурен откуп за фармерите, стандардизирано и посигурно снабдување на суровина за преработувачите, како и зголемена соработка меѓу фармерите и преработувачите. Партнерство за имплементација на оваа активност било формирано со Фондација – Агроцентар за образование (АЦЕ), Федерацијата на фармери на Република Македонија (ФФРМ) и со силна поддршка од Министерството за земјоделство, шумарство и водостопанство (МЗШВ) на Р. Македонија. Во процесот на имплементација на оваа активност, повеќе од 400 фармери од неколку производни региони биле поддржани во склучување на договори за производство и откуп на различни земјоделски производи за преработка (пиперка, цвекло, модар патлиџан) со осум компании – преработувачи на зеленчук. Производството како и процесот на договарање и исполнување на обврските од договорите биле континуирано следени од група на назначени технички лица, тимот на ФФРМ и експерти - специјалисти за производство и заштита на зеленчук. УСАИД, преку АгБиз Програмата, го поддржува економскиот раст на Македонија преку активности кои ја подобруваат конкурентноста на македонскиот агробизнис. Целта е да се зголемат приходите за сите учесници во селектираните синџири на вредности преку зголемување на извозот и продуктивноста и подобрување на бизнис климата во земјоделството.