Финансирање и осигурување во земјоделството

Работилницата била организирана со поддршка од АгБиз Програмата на УСАИД и имала за цел да им помогне на македонските компании подобро да ги адресираат нивните финансиски потреби и да се запознаат со расположливите финансиски производи на македонскиот финансиски пазар. Претставници од водечките македонски банки, финансиски институции и финансиски консултанти ги презентираа своите финансиски производи и услуги пред претставници на повеќе од 30 компании и фармери. Една од клучните теми беше факторингот – финансиски производ на Македонска банка за промоција на развојот (МБПР), воведен со поддршка на УСАИД. Главната цел на овој производ е да им овозможи полесен пристап до финансии на извозниците без дополнителни гаранции и залог. Центарот за иновации ги презентираше резултатите од неодамнешното истражување за осигурувањето во земјоделството и моделите на земјоделското осигурување со цел поголема искористеност на оваа алатка. Претставникот од Агенцијата за супервизија на осигурувањето ги објасни придобивките, условите и процедурите за осигурување во земјоделството во Република Македонија. ЦеПроСАРД и Центарот за иновации продолжија да обезбедуваат услови за воспоставување на дијалог помеѓу јавниот и приватниот сектор преку зајакнување на капацитетите на учесниците во вредносните синџири и претставниците на владините институции. Центарот за иновации исто така продолжи да го олеснува пристапот до финансии за македонските компании и фармери од вредносните синџири за свежо овошје и зеленчук и преработен зеленчук.