Studimi i Fizibilitetit për PDV-në e 5 Njësive Strukturore në Zonën e Segmentit II të Unazës së Tiranës

Kjo është shprehur në Planin e Përgjithshëm Vendor të Territorit (PPV), i miratuar në vitin 2017. Unaza do të ndjekë gjurmë të rrugëve ekzistuese të qytetit, por do të kërkojë angazhimin e shumë pronave private, veçanërisht ato të banimit. Zona e planit të detajuar vendor (PDV) përfshin 5 njësi strukturore: 274, 277, 278, 459, dhe 460. Kjo zonë kufizohet nga Rruga e Kavajës në veri, Rruga Shyqyri Bërxolli, Rruga Myslym Shyri në jug, dhe Rruga Him Kolli. Rrugët e brendshme kryesore janë Rruga Islam Alla, Rruga Hajdar Hidri, dhe Rruga Besim Imami. Unaza që propozohet kalon mes për mes zonës së PDV-ve. Studimi i fizibilitetit për PDV-ën është hartuar nga Bashkia Tiranë me asistencën teknike të Projektit të USAID-it për Planifikimin dhe Qeverisjen Vendore (PLGP). Qëllimi i këtij studimi është të paraqesë opsionet e mundshme për zhvillimin në zonën e PDV-së në lidhje me rrugën e re dhe të ofrojë një strategji që do të ndihmojë bashkinë për sa i përket menaxhimit të tokës për segmentin e ri të unazës nëpërmjet ripërshtatjes së saj. Studimi i fizibilitetit përfshin katër komponentë kryesorë: një analizë financiare, një propozim për strategjinë e menaxhimit të tokës, projektime konceptuale të vendndodhjes së objekteve dhe infrastrukturave, dhe një proces për zbatimin e instrumenteve financiare për zhvillimin e tokës. Këto komponentë janë të ndërlidhur ngushtë me njëri tjetrin dhe synojnë të ofrojnë Bashkisë së Tiranës një orientim të qartë për vendimmarrjen në lidhje me angazhimin në të ardhmen dhe investimet për rizhvillimin e zonës së PDV-së. Koncepti i zhvillimit bazohet në sistem aktual rrugor që ndodhet në zonën e PDV-së. Bashkia ka zgjedhur opsionin e fundit për të ndërtuar një segment të ri të unazës që kalon nëpër zonë. Kjo do të thotë se do të bëhen zhvillime me intensitet më të lartë, krahas ndërtimit të infrastrukturës dhe parashikohet angazhimi i pronarëve të pronave dhe zhvilluesve si partnerë proporcionalisht të barabartë në zhvillimin e projektit. Analiza financiare e zhvillimit privat përcakton intensitetin e propozuar të ndërtimit për parcelat private të këtij zhvillimi. Pronarët e pronave ekzistuese do të kompensohen për tokën e tyre me anë të një pjese të zhvillimit të ri dhe/ose me lekë nga zhvilluesit. Bashkia, si pronare e tokës, është aksionere në zhvillimin në këtë zonë dhe ka të drejtën të marrë përqindjen e saj në forma të ndryshme, si kompensim të drejtpërdrejtë financiar,