Final Report: EGARA Jaabiw Kalanso Fɔlɔ Kalandenw Mali Kɔnɔ

Ka kalan ni kankodɔnniya sɔrɔcogo ɲuman sinsinnenw sira don denmisɛn kɔrɔ, o b’a to a ka se ka kalanjɛ dege ani k’a ka ɲɛtaa sabati kalanko la kalan kun fɔlɔ san labanw ni kalan dakun mankan na ani taalen ɲɛ. Kalanden ka sehakɛ jɔnjɔnw kiimɛni kalanjɛ la, o b’a to kalanjɛ faamuyaliko ɲuman kɛcogow ka kɔlɔsi a nɔfɛ k’a bilasira. I ko min degelisefɔlɔkiimɛ de don, jaabi minnu bɛ bɔ o kiimɛni in kɔnɔ, olu b’a to a ka dɔn n’o y’a sɔrɔ kalanjɛ degeli bɛ ka kɛ kalan kun fɔlɔ kalansow la Mali kɔnɔ, n’a tɛ ka kɛ, a ka dɔn a kɛbaliya sababu bɛ ka bɔ se minnu sɔrɔbaliya la. Kunnafoni minnu mana sɔrɔ k’a sababu kɛ EGARA kiimɛniw ye, olu bɛ se ka kɛ sababu ye, fɛɛrɛ caman ka tigɛ ka yɛlɛma ɲɛnama don degeliw taabolo la jamana kɔnɔ. Denmisɛnw ka lakɔliladon hakɛ yɛlɛnna kosɛbɛ Mali kɔnɔ san tan laban ninnu na. A hakɛ bɔra 23 la kɛmɛ o kɛmɛ (23%) san 1971 ka se 59 ma kɛmɛ o kɛmɛ (59%) san 2000, ka yɛlɛn ka se 83 ma kɛmɛ o kɛmɛ (83%) san 2011 ni san 2012. Mali gɔfɛrɛnaman ye cɛsiri min kɛ walasa lakɔliladon fanga ka bonya o bɔlen kɔ yen, fɛɛrɛ bolodalen caman y’a jira yɛlɛma ɲɛnama ka don kalanko taabolo la jamana kɔnɔ. Kalandenw degeliko ɲuman walasa u ka se kalanjɛ la o fɛɛrɛw tigɛra, o dɔ ye EGARA kiimɛni ye min sigira senkan san 2009 kalanko minisiriso ka ɲɛmɔgɔya kɔnɔ. O siratigɛ la, kiimɛniba wɛrɛw kɛra i n’a fɔ kalanko sɛgɛsɛgɛli porogaramu min sigira senkan san 2011 Kɔnfemɛni fɛ (CONFEMEN) n’a bɛ wele Pasɛki (PASEC) ani Omayɛsi (OMAES) ka sɛgɛsɛgɛli