Projekti për Planifikimin dhe Qeverisjen Vendore në Shqipëri: Gratë, Paqja & Siguria (GPS): Studim: Vlerësim I Situatës Aktuale të Përdorimit dhe Ndikimit të Medias Sociale Tek të Rinjtë dhe Siguria Online, Marrëdhëniet Me Familjen, Shkollën dhe Komunitetin

Projekti ka për qëllim të parandalojë përjashtimin social, ekstremizmin e dhunshëm, radikalizimin, margjinalizimin, rekrutimin dhe konfliktin në këto komunitete. Pjesë thelbësore e aktivitetit të Projektit PLGP/USAID është puna me të rinjtë, me synim të zhvilluar dhe fuqizuar të rinjtë si agjentë të ndryshimit dhe progresit në komunitetet e tyre. Projekti ka mbështetur ngritjen dhe zyrtarizimin e gjashtë këshillave rinore vendore në këto bashki, të cilat përbëhen nga të rinj vullnetarë e aktivë në komunitetet përkatëse. Një nga çështjet e evidentuara nga puna me të rinjtë është siguria dhe mirëqenia e tyre në komunitetet ku jetojnë. Problematikat e identifikuara dhe raportuara nga vetë të rinjtë lidhen me procese të rëndësishme të rritjes së tyre, që përfshijnë marrëdhëniet, komunikimin dhe besueshmërinë ndaj të tjerëve, përballimin e trysnisë që ushtrohet mbi ta dhe rrezikun që mund t’ju vijë përmes kanaleve të ndryshëm të informimit, të tilla si media audiovizive, interneti dhe mediat sociale. Për të kuptuar, analizuar dhe trajtuar problematikat që lidhen me sigurinë dhe zhvillimin e të rinjve, Projekti PLGP/USAID dhe Qendra e Koordinimit Kundër Ekstremizmit të Dhunshëm ndërmorën në fund të vitit 2019 një sondazh me 1,354 djem dhe vajza të bashkive Bulqizë, Cërrik, Dibër, Kamzë, Librazhd dhe Pogradec. Përmes sondazhit u synua një vlerësim i situatës aktuale të përdorimit dhe ndikimit të medias, sidomos asaj sociale tek të rinjtë, sigurinë e tyre online, marrëdhëniet me familjen, shkollën dhe komunitetin, si dhe çështjet më të mprehta që shqetësojë të rinjtë në ditët e sotme. Studimi përmbledh rezultatet dhe gjetjet e përftuara nga sondazhi me të rinjtë e të gjashtë bashkive të sipërpërmendura dhe bazohet në raportet individuale të përgatitura për secilën bashki. Studimi u krye në periudhën dhjetor 2019-mars 2020 si një nismë e përbashkët mes Qendrës së Koordinimit Kundër Ekstremizmit të Dhunshëm dhe Projektit PLGP/USAID, në bashkitë partnere ku Projekti ushtron aktivitetin e tij. Përgjithësisht të rinjtë e intervistuar janë nga qytetet qendra të këtyre bashkive, me përjashtim të Bashkisë Kamzë, ku janë përfshirë edhe të rinj nga zona e Bathores dhe Paskuqanit. Numrin më të madh të të intervistuarve e përbëjnë bashkitë Cërrik dhe Dibër me afërsisht 300 të rinj, pasuar nga bashkitë Kamzë, Pogradec dhe Cër